Në një intervistë të gjatë për rrjetin televiziv "ESPN", ylli i Atletico Mineiro Ronaldinhondër të tjera ka folur edhe për yllin argjentinas të Barcelonës, Lionel Messi. "Është futbollisti më i mirë në botë". Fjali e shkurtër dhe e qartë që del nga goja e një prej futbollistëve më të mirë të dekadave të fundit dhe lojtarit më të mirë të sezonit në Serie A braziliane."Dëgjohemi shpesh, është një djalë shumë i mirë. Ai, Cristiano Ronaldo dhe Neymar janë tre të mëdhenjë. Messi është jashtë normales, braziliani do të jetë mes më të mirëve dhe CR7 po bën histori. Por në Europë më i miri është Messi ndërsa në Brazil Neymar", u shpreh ish asi i Barcelonës dhe Milanit, Ronaldinho.
"Ndeshja që mbaj mend nga Leo është ndeshja e tij e parë dhe goli i tij i parë, i cili erdhi pas asistit tim. Pata fatin të përjetoja nga afër atë moment. Ai është lojtari më i mirë në botë dhe ky është një gëzim shumë i madh për mua", përfundon ylli brazilian.